Artikuluak

«Nire pertsonaiak mutuak dira ez naizelako beraietaz fido»

Mari Jose Ruiz-k idatzia

Sesma herrian (Nafarroa) jaioa, Javier Etayo “Tasio”-k irakasle lanbidea utzi zuen irudigintzara dedikatzeko. 1991tik aitzinera egunero publikatzen du zinta bat “Egin”, “Gara“ eta beste hedabide batzuetan. Sari anitz haso ditu, besteak beste, Habanako umore politikoko Lehiaketan lortutako bigarren saria. Tasio ezizena erabiltzen du, Montxo Armendarizen izen bereko filman azaltzen zen ikazkin nafar eta basatuaren omenez. Komikiaren mundua estamentu ofizialek ahaztuta dagoela uste du, eta ez duela merezi duen babes instituzionalik, agian Sistemak ez duelako satira gustuko.

Gehiago irakurri: «Nire pertsonaiak mutuak dira ez naizelako beraietaz fido»

Oiartzun irratia, 10 urte parte hartzea bultzatzen

Josu Urdazi-k idatzia

Ohetik altxatzean, dutxan xaboia jartzean, lanean edo autoan, bakarrik edo norbaitekin... momentu guztiak onak dira irratia pizteko. Irudimena eta soinuen munduari irekitako lehioa da irratia. Ehun urte baino gehiago daukan gaztetxoa. Oiartzun herrian hamar urte beteko dira aurten irrati propioa dutelarik.

Gehiago irakurri: Oiartzun irratia, 10 urte parte hartzea bultzatzen

Lehenengo ipuina

Joseba Sarrionandia-k idatzia

Bera besteak baino lehenago itzuli zen, lantzarik gabe eta esku hutsik. Gainerakoak iluntzean heldu ginen, ilaran, lohiturik eta nekaturik, baina mamut zati handi bana bizkarrean genekarrela harpera. Larruzko arropak eranzteko indarrik gabe jausten ginen suaren aldamenera, arnasarik gabe, lur jota, su lamei liluraz begira.

Gehiago irakurri: Lehenengo ipuina

Diru zakarrak bihotzik ez du

Xabier Larraburu eta Zaldi Eroa-k idatzia

Xabier Letek kantatzen zuen bere “izarren hautsa” abestian:

Diru zakarrak bihotzik ez du

lotuko dute gogor eta estu

hazi ez dadin gizonen gain

(Mikel Laboak ez du azken bertso hau kantatzen. Agian kanta ez luzatzeagatik. Pena da Euskal Herriko ereserkia bihurtu den Laboaren kantan bertso zoragarri hau ez agertzea).

Gehiago irakurri: Diru zakarrak bihotzik ez du